Diskutohet plani për veriun

Nuk dihet sigurt roli i saktë që do kenë doganierët vendës në veri, nëse do të kenë rol ekzekutiv apo do të jetë rol këshillues

Përfaqësuesit e institucioneve vendore dhe ata të misioneve ndërkombëtare të akredituar në Kosovë po e diskutoinë mundësinë e dërgimit të policisë dhe doganierëve kosovarë në pjesën veriore të vendit, pas skadimit të marrëveshjes së KFOR-it më 16 shtator.

Ende nuk është e qartë se çfarë roli dhe çfarë fuqie do kenë ata në veri. Por, plani për veriun është diskutuar ndërmjet ambasadorit amerikan, Christopher Dell, shefit të EULEX-it, Xavier bout de Marnhack, komandant i t në largim të KFOR- it , Erhard Buehler dhe kryeministrit të Kosovës, Hashim Thaçi, shkruan “Zëri”.

Sipas burimeve të “Zërit”, këta zyrtarë janë ende duke shqyrtuar detajet finale të asaj që do të ndodhë një ditë pasi do të përfundojë marrëveshja 11- pikëshe që po implementohet nga KFOR-i.

“E vetmja gjë që nuk dihet sigurt është roli i saktë që do kenë doganierët vendës në veri, nëse do të kenë rol ekzekutiv apo do të jetë rol këshillues, monitorues dhe mentorues”, ka theksuar një zyrtar që të enjten ishte i pranishëm në disa prej takimeve. Sipas tij ende nuk është vendosur as vendi ku doganierët kosovarë do të dërgohen fizikisht më 16 shtator.

Pjesë e diskutimit është nëse doganierët kosovarë të dërgohen fillimisht në njërën pikëkalimi kufitar apo në të dyjat, Portën 1 dhe Portën 31