Bota

Deti Mesdhe, shpëtojnë më shumë se 2600 njerëz

E martë, 4 Tetor 2016 - 9:30 albinfo.ch

Nga ujërat e Detit Mesdhe, në afërsi të bregdetit italian, janë shpëtuar të hënën më shumë se 2.600 emigrantë, shkruajnë mediat franceze, përcjell albinfo.ch.

Emigrantët udhëtonin me anije, prej të cilave më e madhja ka qenë me rreth 700 njerëz.

Në operacion kanë marrë pjesë anijet patrulla kufitare, ato të forcave italiane dhe disa anije e barka të organizatave joqeveritare.

Shpëtimi ndodhi në ditën kur shënohet trevjetori i tragjedisë me emigrantë në brigjet e ishullit të Lampeduzës. Në natën mes 2 dhe 3 tetorit 2013, një anije me 500 emigrantë nga Libia ishte përmbytur në ishullin italian. Ekipet e shpëtimit gjetën trupat e 366 personave, të cilët udhëtonin me anije.

 Të tjera nga Bota

Vërshimet në Itali: Evakuohen familjet nga zonat e rrezikuara, shtyhen 13 fluturime

 E-Diaspora

 Jeta në Austri