Detaje nga grabitja në aeroportin e Rinasit

Një person ka humbur jetën gjatë një grabitjeje që ka ndodhur sot, ku u raportua se u vodhën dy milionë euro, përcjell albinfo.ch.

Policia njofton se një nga katër hajnat ka mbetur i vrarë, pasi ata kanë shtënë me armë në drejtim të policisë dhe kjo e fundit ka vrarë një prej autorëve.

Mediat në Shqipëri raportojnë se grabitësit kanë marrë shokun e tyre të vrarë me vete dhe më pas e kanë hedhur në rrugë.

Mësohet se në veturën e personave që grabitën shumën e madhe të parave ishte shkruar “hetim tatimor”.

Pasi autorët i kanë dalë para makinës blind dhe kanë marrë paratë që ndodheshin brenda, dyshohet të jenë larguar në drejtim të Fushë-Krujës. Sipas informacioneve të para nga policia, mësohet se ata kanë qenë të veshur me rroba ushtarake.

Policia ka bllokuar aksin rrugor Rinas-Valias dhe ka ngritur postblloqe të shumta.