Dështimi i 24-të, s’ka konstituim të Kuvendit

Për një muaj e gjysmë, 24 dështime për konstituim të Kuvendit (VIDEO)

Legjislatura e re e Kuvendit të Kosovës nuk është konstituar as pas përpjekjes së 24-të, përcjell albinfo.ch.

Sërish nuk kishte kuorum për formimin e komisionit për të zhvilluar votimin e fshehtë për zgjedhjen e kryeparlamentarit. Është hera e 16-të që seanca dështoi në këtë pikë.

Të shtunën, në seancë ishin 96 deputetë. Votuan 53 pro, 1 kundër dhe nuk pati abstenime.

Seanca e radhës do të mbahet të hënën, me fillim në orën 10:30.

---