Deputetja e PDK-së i reagon Kurtit: “Diasporën nuk mund ta joshësh me premtime të kota e oferta boshe!“

Deputetja e PDK-së, Ariana Musliu-Shoshi, ka kritikuar Qeverinë e Kosovës për projektligjin për diasporën, përcjell albinfo.ch.

Musliu i ka reaguar kryeministrit duke thënë: “Diasporën nuk mund ta joshësh me premtime të kota e oferta boshe“.

Postimi i plotë i saj në “Facebook:

“Kryeministër, a ke tregu sa ke bërë për diasporën e sa vlen diaspora për ty? Diasporën ti e sheh veç si votë dhe monedhë. Nga dita e parë e qeverisjes tënde deri më sot, nuk e ke sjellë Ligjin për Diaporën, përveç që e ke prolonguar dhe trajtuar krejtësisht si të parëndësishëm. Diasporën tanë e ke shfrytëzuar për bartjen e shpenzimeve për vartësit e tu nga Ministria e Punëve të Jashtme për sorollatje të kota, duke mos i sjellë asnjë përfitim Kosovës. Diasporën nuk mund ta joshësh me premtime të kota e oferta boshe! Krejt çfarë duan diaspora nga Ju e nga ne si klasë politike është të punojmë me nder, mençuri e dinjitet për vendlindjen e tyre”, ka shkruar ajo.