Deputetit Frashër Krasniqi i caktohet masa e ndalimit për 24 orë

Pas përleshjes fizike që ndodhi mbrëmë në mes të deputetit të VV-së, Frashër Krasniqi dhe deputetit të “Nismës”, Milaim Zeka, Policia e Kosovës ka shoqëruar në stacion deputetin e ”Vetëvendosjes”, Frashër Krasniqi, i cili më pas me urdhër të prokurorit është dërguar në paraburgim, përcjell albinfo.ch.

Policia qysh mbrëmë ka filluar hetimet lidhur me rastin, ndërsa deputetit i është caktuar masa e mbajtjes për 24 orë, thuhet në njoftimin e Policisë.

Frashër Krasniqi dhe Milaim Zeka ishin përleshur ‘live’ në një emision televiziv në Kosovë, derisa kjo kishte shkaktuar shumë reagime, si në media, ashtu edhe në rrjetet sociale.