Deputeti gjerman: Marrëveshja e Ohrit duhet të zbatohet

FB: Michael Helmut Roth

Michael Helmut Roth, deputet gjerman, ka thënë se marrëveshja mes Kosovës dhe Serbisë duhet të zbatohet nga të dyja palët. Ai në një bisedë për mediumin serb “Novi Magazin” u shpreh se Kosova bashkë me vendet e tjera të Ballkanit me marrëveshjen e arritur në Ohër kanë mundësi për anëtarësim në BE, shkruan gazetaexpress, përcjell albinfo.ch.

“Jam këtu në momente vendimtare për të ardhmen e Serbisë dhe Kosovës dhe rruga për të dyja vendet është drejt Bashkimit Evropian. Dhe, e përsëris, jam plotësisht i bindur se gjashtë vendet e Ballkanit Perëndimor kanë një shans real për të qenë pjesë e Bashkimit Evropian”, tha deputeti gjerman. Ai shton se dialogu po ashtu është i rëndësisë së lartë për rrugën evropiane të Kosovës dhe Serbisë.

“Udhëheqja e guximshme e Presidentit Vuçiq dhe kryeministrit Kurti për të kapërcyer polemikat, për të vendosur baza të përbashkëta për pajtim, besim të ndërsjellë dhe prandaj jam i sigurt se marrëveshja e Ohrit është një hap i rëndësishëm përpara dhe pritshmëria ime e qartë është që të dyja palët të zbatojnë atë që kanë premtuar”, deklaroi tutje, shkruan gazetaexpress, përcjell albinfo.ch.

Sipas deputetit gjerman Roth, zbatimi i kësaj marrëveshjeje është sfidë, por që liderët e Kosovës dhe Serbisë duhet të tregojnë përkushtim për zbatimin e saj. “Dhe kjo është arsyeja pse unë shpresoj që lidershipi i të dyja palëve do t’i mbajë premtimet”, tha Roth, shkruan gazetaexpress, përcjell albinfo.ch.