Dënohet politikania që ka sjellë ilegalisht 24 refugjatë në Zvicër

Prokuroria e ka dënuar politikanen për shkelje të Ligjit mbi të huajt me dënim me kusht me para prej 80 njësishë ditore nga 110 franga dhe me një gjobë prej 1000 frangash, po ashtu me kusht

Keystone

Deputetja e Parlamentit të Kantonit të Tiçinos, Lisa Bosia Mirra nga Partia Socialdemokrate (SP)është dënuar  sot me gjobë me kusht për “kontrabandimin” e refugjatëve në Zvicër. Procesi gjyqësor kundër saj është zhvilluar në Gjykatën Policore në Bellinzona, shkruan sda.ch.

Sipas akuzës, Mirra ka mundësuar hyrjen ilegale nga Como (Itali) në Zvicër të 24 refugjatëve.

Politikania socialdemokrate është themeluese e organizatës që mbështet refugjatët “Firdaus”, transmeton albinfo.ch. Ajo, bashkë me një bashkëpunëtor të saj më 1 shtator të vitit 2016 qe arrestuar nga rojat kufitare në San Pietro di Stabio. Me atë rast ajo kishte pritur në kufi katër afrikanë të moshës së mitur, të cilët pastaj një qytetar 53 vjeçar nga Berna i kishte sjellë me makinë në territorin zviceran.

Prokuroria e ka dënuar politikanen për shkelje të Ligjit mbi të huajt me dënim me kusht me para prej 80 njësishë ditore nga 110 franga dhe me një gjobë prej 1000 frangash, po ashtu me kusht, përcjell albinfo.ch.

Pasi që Lisa Bosia Mirra nuk e kishte respektuar urdhërarrestin, gjykimi i saj u bë para Gjykatës Policore.