Dënohet mjeku: ka marrë pjesë në demonstrata kundër masave të koronës

Ai duhet të paguajë një gjobë prej 500 frangash dhe të mbulojë shpenzimet procedurale prej 1250 frangash

Gjykata e Qarkut e Lucernit ka dënuar një mjek që ka kritikuar masat federale kundër virusit korona, konkretisht, për shkakun se kishte marrë pjesë në demonstrata të paautorizuara.

Sipas vendimit gjyqësor, mjeku, duke marrë pjesë në këto demonstrata, ka shkelur disa herë rregulloren për shfrytëzimin e hapësirës publike, shkruan srf.ch.

Ai duhet të paguajë një gjobë prej 500 frangash dhe të mbulojë shpenzimet procedurale prej 1250 frangash. Vendimi nuk është ende i plotfuqishëm.

Gjatë pandemisë së koronës në pranverën e vitit 2021, të akuzuarit i ishte hequr përkohësisht licenca për ushtrimin e profesionit – sepse dyshohej se kishte shkelur detyrimet ligjore profesionale. Ai dhe disa nga punonjësit e tij nuk mbanin maska ​​​​mbrojtëse në ordinancë, përcjell albinfo.ch. Megjithatë, tani ai lejohet të ushtrojë përsëri.

Në vazhdim, në qytetin e Lucernit janë zhvilluar demonstrata të rregullta solidariteti, në disa prej të cilave ka marrë pjesë edhe mjeku.

---