Dënohet “mbreti” i vetëshpallur i Gjermanisë: Ka lëshuar dokumente identifikimi!

Është një qytetar gjerman që jo vetëm nuk e njeh Republikën e Gjermanisë por e ka shpallur veten mbret të këtij vendi, duke pretenduar se Gjermania në formën e sotme është shtet «i pushtuar», shkruan stern.de.

Quhet Peter Fitzek, ka 50 vjet, «është mbret i Gjermanisë» dhe në faqen e tij të internetit propagon një «shtet sovran gjerman», transmeton albinfo.ch. Po ashtu ai angazhohet që në medie të ketë «raportime që i përgjigjen realitetit» lidhur me këto çështje.

Fitzek nuk është ndalur me kaq: ai ka prodhuar dokumente identifikimi të bëra vetë. Dhe, këtu ka marrë fund tolerimi nga ana e shtetit. «Mbreti i Gjwermanisë» është dënuar nga Gjykata në Dessau-Rosslau me një vit e tre muaj burg efektiv.