Reagon Ministri Gashi: Tenderin për autobusë e kam anuluar

“Tenderin për shërbime transporti me autobus, e anulova, me tu informuar për shpalljen e tij. Ishte një bartje nga mandati i kaluar qeverisës..."

Ministri i Diasporës, njëherësh zëvendëskryeministër në Qeverinë e Kosovës, Dardan Gashi ka përgënjeshtruar një artikull të botuar nga gazeta “Fjala”, ku ministria që drejton ai, përflitet për një tender të shpallur  për shërbime transporti me autobus.

Sipas gazetës në fjalë “kjo ministri ka shpallur tender në vlerë prej 10 mijë eurosh për shërbime transporti me autobus, minibus dhe kombi-bus në territorin e Kosovës, Shqipërisë dhe Kroacisë”.

Por, ministrii Gashi e përgënjeshtron këtë lajm duke thënë për albinfo.ch se “Tenderin për shërbime transporti me autobus, e anulova, me tu informuar për shpalljen e tij. Ishte një bartje nga mandati i kaluar qeverisës… Këta autobusë, parimisht, janë për t`u shërbyer aktiviteteve të diasporës. Por nuk shoh nevojë që tash, dimrit, kur nuk ka aktivitete të tilla në vend, të kontraktohen autobusë kot” – ka gtheksuar  për albinfo.ch ministri i Diasporës dhe Investimeve Strategjike, njëheresh zv.Kryeministri, Dardan Gashi.