Dedikuar heroit Agim Ramadani, promovohet monografia “Agimi i Lirisë” nga Ibrahim Kadriu

Monografia “Agimi i lirisë”, e autorit Ibrahim Kadriu u promovua mes shumë të pranishmëve, ish-luftëtarë të UÇK-së, familjarë e dashamirë të librit.

Kadriu duke diskutuar për tri vëllimet “Agimi i lirisë”, ka thënë se veprat janë pohim i idealit të Agim Ramadanit.

Ai ka nxjerrë këto vepra të përmbledhura, të cilat dokumentojnë historinë jetësore të heroit Agim Ramadani, transmeton albinfo.ch.

Panelistët Bahri Gashi, ekspert i sigurisë, Xhevat Syla, shkrimtar, Gani Gjukaj, bashkëluftëtar dhe Shukrije Ramadani, bashkëshortja e Agim Ramadanit, folën për veprën e heroit Ramadani, ëndrrën e tij për çlirimin e Kosovës, por dhe dëshirën e madhe të tij për të shkruar. Pjesë nga dorëshkrimet e tij – letrat shkruar bashkëshortes së tij Shukrijes, janë edhe pjesë e tri vëllimeve “Agimi i lirisë”.