De Biasi fajëson Xhakën

“Xhaka nuk ka bërë asnjë pranim. Unë mendoj se të largohesh nga grumbullimi dhe të lësh shokët është një nga gjërat që do të ishte më mirë të evitohen”, deklaroi De Biasi

Shqipëria sonte do të luajë ndaj Luksemburgut në ndeshjen miqësore, para sfidës kualifikuese ndaj Izraelit, shkruan albinfo.ch.

Gianni De Biasi ka folur për këto takime, por edhe për të dy lojtarët, Ergys Kaçe dhe Taulant Xhaka, me të cilët kishte mosmarrëveshje.

“Kaçe ka kuptuar se ka gabuar në sjelljen e tij me mua, me shokët, me federatën, mendoj se ka bërë një rritje të madhe nga pikëpamja mendore. Ka kuptuar se duhet të tregohet inteligjent siç unë mendoj se është, ka kuptuar se në jetë edhe mund të gabohet dhe mendoj se nga ky gabim mund të nxjerrë vetëm mësime të mëdha dhe mund të ketë një shans më shumë”, është shprehur italiani.

Ai ka folur edhe për Xhakën. “Kaçe më ka dërguar mesazh, më tha që ka kuptuar se ka gabuar, se është gati të kthehet në grup e japë kontributin e tij. “Xhaka nuk ka bërë asnjë pranim. Unë mendoj se të largohesh nga grumbullimi dhe të lësh shokët është një nga gjërat që do të ishte më mirë të evitohen”, deklaroi De Biasi. Mbetet në pozicionin e tij, është shmangur vetë. U largua dhe do të mbetet larg derisa të mos bëjë hapa të ndryshëm”, theksoi De Biasi.