Dardan Avdylaj fiton titullin WKU-Europe

Kikboksieri shqiptar, Dardan Avdylaj, ka dalë fitues në ndeshjet e tij në kickboks të mbajtur të premten në Vjenë të Austrisë.

Dardani fitoi ndaj boshnjakut nga Zenica e Bosnjë e Hercegovinës, Anes Valentiq.

Boksieri kosovar që jeton në Vjenë të Austrisë fitoi titullin WKU-Europe në kategorinë deri 86 kg.

“Falënderoj të gjithë për përkrahjen. Ky titull do të jetë vetëm një motivim për suksese të reja, ka thënë ai, transmeton “albinfo.ch”.

Për Dardanin, ky është titulli i katërt në karrierë. Para këtij ai ka fituar edhe tre tituj të rëndësishëm (Kampion i Gjermanisë dhe Austrisë në versionin WAKO në kategorinë 81 kg në vitin 2013 dhe Kampion Internacional i Austrisë në versionin ISKA në 86 kg këtë vit).

Kjo ndeshje është zhvilluar nga promotori shqiptar, Mërgim Veseli. Veseli ka grumbulluar disa nga kikboksierët më perspektivë, me të ardhme të ndritshme, ndërsa që evenimenti i tij ngadalë po shndërrohet në një nga më të mirët në Evropë.

Albinfo.c