Danimarka, rekord rastesh ditore me Covid

Keystone

Së fundmi, Danimarka raportoi një rekord të ri ditor për infektimet, me 1 745 raste të reja me COVID-19 gjatë 24 orëve të fundit, sipas Institutit shtetëror danez të Serumit (SSI), transmeton albinfo.ch.

Duhet theksuar se Danimarka ka 5,8 milionë banorë dhe deri më tani ka regjistruar rreth 90 600 raste COVID-19 dhe 885 vdekje të lidhura me virusin.

“Qeveria po planifikon të aplikojë kufizime të reja për të ndaluar rritjen e infektimeve”, tha kryeministrja Mette Frederiksen në Facebook, pa ofruar detaje.

Ky shtet përshkroi rritjen e fundit të rasteve si shqetësuese dhe i nxiti banorët të bëjnë një përpjekje shtesë, duke përfshirë zvogëlimin e kontakteve të tyre shoqërore, si pjesë e përpjekjeve për të thyer zinxhirin e infeksionit. /Albinfo.ch