Danimarka rivendos kontroll kufitar me Suedinë

Danimarka do të rivendosë përkohësisht kontrollet në kufijtë e saj me Suedinë, pas një varg krimesh të dhunshme në Kopenhagë, për të cilat autoritetet daneze theksojnë se janë kryer nga autorët prej Suedisë, transmeton Anadolu Agency (AA).

Kontrollet gjashtëmujore, duke filluar nga e marta, do të bëhen në Urën Oresund midis Kopenhagës dhe qytetit suedez të Malmös dhe gjithashtu në portet e trageteve, përcjell albinfo.ch.

Që nga shkurti, në Kopenhagë ka pasur 13 shpërthime. Autoritetet besojnë se një shpërthim i 6 gushtit në Agjencinë e Taksave të Danimarkës “u krye nga kriminelët që kishin kaluar kufirin nga Suedia”. Dy shtetas suedezë janë në paraburgim.

Ministri i Drejtësisë, Nick Haekkerup, është shprehur se një vrasje e dyfishtë e 25 qershorit, ku dy shtetas suedezë u qëlluan për vdekje në periferi të Kopenhagës, “ishte një përballje midis bandave nga Suedia”.

Të shtunën, një djalë 15-vjeçar u qëllua për vdekje dhe një adoleshent tjetër u plagos rëndë në Malmö.