Daku beson se do të ftohet në Euro 2024

Mirlind Daku tha se nëse vijon të shënojë gola, atëherë ka mundësi të ftohet në kombëtare për “Euro 2024”

Sulmuesi i Kombëtares Shqiptare, Mirlind Daku, ka folur për gazetarët rusë pas fitores së Rubin Kazan 2:1, ku shënoi një gol dhe një asistim.

Ai foli për formën e tij te Rubin Kazan dhe për mosftesën në skuadrën kombëtare shqiptare.

Daku tha se nëse vijon të shënojë gola, atëherë ka mundësi të ftohet në kombëtare për “Euro 2024”, transmeton albinfo.ch.

Në minutat e para keni pasur dy situata ballë për ballë dhe zero goditje në portë. Pse ndodhi kështu?

“Humba përqendrimin, por më pas fati, falë Zotit, u kthye. Gjëja kryesore është që ne fituam”.

A është e vështirë të mbash agjërim gjatë sezonit futbollistik?

“Nuk është e lehtë, por nuk ndikon në lojën tonë. Unë mendoj se Zoti na ndihmon, në momentin që harron se nuk ke ngrënë për një kohë të gjatë”, shton tutje Daku.

Je i zhgënjyer që nuk je ftuar së fundmi në kombëtare? Si do t’i vlerësonit shanset tuaja për të arritur në Euro?

“Jo, nuk u zhgënjeva, përqendrova të gjitha forcat për të performuar për klubin. Gjëja kryesore është të shënosh gola, atëherë do të thirresh në kombëtare. Unë besoj në veten time, kam bërë një punë të madhe në kualifikim”, theksoi Daku.

 

---