Coop do ta shesë mishin e “skaduar” për gjysmë çmimi

Supermarketet Coop në Zvicrën gjermanishtfolëse së shpejti do të shesin mish që ka arritur datën e përdorimit, përcjell albinfo.ch.

Do të shitet me 50 për qind zbritje.

Mishi i pashitur në ditën e shitjes do të vendoset në frigorifer, në mënyrë që të arrijë -18 gradë Celsius para mesnatës. Më pas mund të shitet në korridorin e ushqimit të ngrirë për 90 ditë të tjera.

“Cilësia e tij do të mbetet e patëmetë”, sipas Coop.

Shitësi me pakicë tha se kjo lëvizje do të parandalojë mbeturinat e panevojshme të ushqimit dhe do të ndihmojë ata me të ardhura të ulëta.