Shira të rrëmbyeshëm kanë shkaktuar përmbytje të menjëhershme përgjatë lumit Guadalupe në Teksas të premten, duke lënë të paktën 24 të vdekur dhe dhjetëra të zhdukur, sipas autoriteteve vendëse, përcjell albinfo.ch.

Mes të zhdukurve janë 23 deri në 25 persona që rezultojnë të zhdukur nga një kamp veror i krishterë për vajza, i vendosur në brigjet e lumit Guadalupe.

Në një konferencë për shtyp të premten vonë, guvernatori i Teksasit, Greg Abbott, tha se operacionet e kërkim-shpëtimit do të vazhdojnë gjatë natës dhe të shtunën.

Duke folur për gazetarët, presidenti i Shteteve të Bashkuara, Donald Trump, tha: “Do të kujdesemi për ta”, pasi u pyet për ndihmën federale për katastrofat natyrore.

Shërbimi Kombëtar i Motit i Shteteve të Bashkuara shpalli gjendje të jashtëzakonshme për përmbytje të menjëhershme për pjesë të qarkut Kerr, në rajonin Hill Country të Teksasit, rreth 105 kilometra në veriperëndim të San Antonios, pasi stuhitë sollën deri në 30 centimetra shi.

Secili punëtor në ndërtesën e Kuvendit të shtunën është evakuuar pas alarmit për bombë, pak para nisjes së seancës konstituive, përcjell albinfo.ch.

Kryeprokurori i Prokurorisë Themelore në Prishtinë, Zejnullah Gashi, ka deklaruar se alarmi për bombë në Kuvendin e Kosovës ka rezultuar të jetë i rremë.

Ai theksoi se, bazuar në theksin e personit që bëri telefonatën, besohet se ai mund të jetë nga një shtet jomik.

“Ka rezultuar që kërcënimi ka qenë i rremë dhe deri tani nuk ka diçka që ia vlen të ceket sa i përket rezultateve nga vendi i ngjarjes. Do të vazhdojmë për sa i përket prejardhjes së thirrjes telefonike të bërë nga një person anonim, i cili ka qenë me zë mashkulli, me gjuhën angleze, me theks që mendojmë se është i shteteve jomike”, ka thënë Zejnullahu.

Zëvendësi i Sekretarit të Përgjithshëm të Kuvendit, Arben Loshi, ka thënë se alarmi është bërë nga një person që ka kërcënuar në gjuhën angleze.

“Sipas njoftimit, është kërkuar evakuimi sepse në gjuhën angleze një person ka thirrur dhe ka thënë që një bombë është vendosur në ndërtesë dhe e njëjta do të shpërthejë brenda 10 minutash”, ka thënë ai.

Seanca konstituive të shtunën do të vazhdojë në orën 20:00.

Paraditen e së shtunës, Kuvendi i Kosovës u kërcënua përmes një mesazhi se në objektin e tij ndodhej një mjet shpërthyes, mirëpo kërcënimi doli të jetë i rremë, përcjell albinfo.ch.

Seanca konstituive, e 42-ta me radhë, e planifikuar për në ora 11:00 të shtunën, është shtyrë për në ora 20:00 pas kërcënimit me bombë në objektin e Kuvendit.

Sot, Kuvendi i Kosovës u kërcënua përmes një mesazhi se në objektin e tij ndodhet një mjet shpërthyes, përcjell albinfo.ch.

Detaje shtesë ka dhënë zëdhënësi i Policisë së Kosovës, Baki Kelani.

“Sot, me datë 05.07.2025 në orët e paradites, është pranuar një informatë (me sms), për një kërcënim me mjet shpërthyes në objektin shtetëror të RKS-së. Me të pranuar informatën, janë angazhuar njësitë kompetente policore, të cilat fillimisht kanë bërë perimetrin e sigurisë dhe kanë evakuuar personat nga objektet”, tha Kelani.

Policia e Kosovës, ka njoftuar prokurorinë kompetente dhe hetuesit policorë të cilët së bashku me njësitë dhe ekspertët përkatës për deminim, janë duke marrë veprimet e duhura të kontrollit në objekt.

Ndërtesa e Kuvendit të Kosovës, ku planifikohej të mbahej seanca e radhës konstituive të shtunën, është evakuuar për shkaqe sigurie pas një kërcënimi me bombë.

“Ka një kërcënim, me gjasë me bombë. Policia, për shkak të masave të sigurisë, ka thënë se duhet të evakuohet stafi. Ka një kërcënim, nuk di më shumë, Policia duhet të japë sqarime. Krejt çka na kërkuan ishte të lirohej ndërtesa”, ka thënë Abelard Tahiri.

Ndërsa deputetja e AAK-së, Time Kadrijaj, ka thënë se nuk beson që ka ndonjë rrezik për deputetët.

“Është tepër e pakuptimtë kjo që po ndodh. Ndoshta është ndonjë telefonatë e qëllimshme për t’i larguar deputetët nga Kuvendi. S’ka njeri normal që e sulmon Kuvendin”, ka thënë ajo.

Edhe Kuvendi e ka konfirmuar se po dyshohet për një bombë të mundshme.

“Policia na ka njoftuar se ka marrë një alarm për një bombë të mundshme në hapësirat e objektit të Kuvendit. Si pasojë ka kërkuar evakuimin e objektit. Të gjithë janë jashtë. Për më shumë informata kontaktoni Policinë”, thuhet në përgjigjen e tyre.

Ndërtesa e Kuvendit të Kosovës ku po planifikohej të mbahej seanca e radhës konstituive është evakuuar për shkaqe sigurie, përcjell albinfo.ch.

Abelard Tahiri ka thënë se u është kërkuar nga Policia që ta lirojnë Kuvendin e Kosovës.

“S’po dimë çka po ndodh realisht. Na kërkun me dalë. Policia mër shkak të masave të sigurisë duhet të evakuohet stafi”, ka thënë Tahiri për mediat.

“Tash ka një kërcënim. Besoj se më tutje jep policia jep sqarime”.

Agjencia e Statistikave të Kosovës ka paraqitur të dhëna për shkurorëzimet në Kosovë, përcjell albinfo.ch.

ASK bën të ditur se në vitin 2024, janë regjistruar 2.146 shkurorëzime dhe numri më i madh i shkurorëzimeve, sipas komunave, ishte në Prizren 209 raste të shkurorëzuarve ose 9,7%; Prishtinë 165 raste ose 7,7% dhe Pejë 155 raste ose 7,2% etj.

Krahasuar me vitin 2023, numri i rasteve të shkurorëzimeve në vitin 2024 është më i vogël për 66 raste ose 3,0%.

Sipas kohëzgjatjes së martesës, dominonte viti i pestë deri në të nëntë me 32,4%, pasuar me vitin e dhjetë deri në katërmbëdhjetë me 15,1% e të shkurorëzuarve etj.