“Cobra 11” lufton kundër mafias shqiptare

Të enjten në mbrëmje ka filluar transmetimin në televizionin gjerman RTL një nga seritë më të ndjekura gjermane, “Alarm für Cobra 11”.

Në episodin e ri të këtij sezoni ishte sërish pjesëmarrës aktori shqiptar me famë në Gjermani, Blerim Destani. Disa pjesë të këtij filmi janë xhiruar në Tiranë dhe Elbasan, ndërkohë që një pjesë e skenarit është edhe në gjuhën shqipe.

Dy aktorët e kryesorë të këtij filmi, Semir (Erdogan Atalay) dhe Alex (Vinzenz Kiefer), kësaj here marrin një operacion kundër një familjeje mafioze shqiptare.

“Cobra 11” në këtë seri zbulon në autostradë një sasi të madhe të drogës. Por, gjatë arrestimit të trafikantëve, një nga protagonistët, Semiri, vret djalin e një mafiozi shqiptar. Familjarët e të vdekurit betohen se do të marrin hak ndaj oficerit të policisë. Tani në rrezik nuk është më vetëm jeta e policit, por edhe e familjes së tij, duke u ndjekur edhe në Gjermani.

Për shkak të rrezikut të krijuar, policit të autostradës nuk i mbetet gjë tjetër pos të shkojë së bashku më Alexin në Tiranë dhe të përballet frontalisht me familjen mafioze shqiptare.

Gjatë këtij sezoni seria do t’i këtë nëntë episode dhe transmetohet çdo të enjte nga ora 20:15 min.

Aktori Destani dhe xhirimet nga vendet e Shqipërisë ishin të pranishme vetëm në këtë episod, ndërsa për të gjithë ju që nuk e keni shikuar të enjten, mund ta shihni në linkun në vijim:

 http://www.nowtv.at/rtl/alarm-fuer-cobra-11/pilot-vendetta/player