Çka ndryshon në Zvicër gjatë marsit

Nga qiratë më të larta dhe votat e taksave, deri në përfundimin e masave për uljen e energjisë - kjo është ajo që do të ndryshojë në Zvicër në mars 2023

Qiratë zvicerane mund të rriten

Më 1 mars, Autoriteti Federal i Strehimit do të njoftojë nëse dhe me sa do të rritet norma referencë e Zvicrës.

Ky është një lajm i rëndësishëm për qiramarrësit, pasi norma e referencës është një pikë referimi që përdoret për të vendosur edhe norma të tjera interesi.

Ajo luan një rol në përcaktimin e qirave në Zvicër, sepse kur kjo normë po rritet, hipotekat bëhen më të shtrenjta për pronarët, të cilët më pas ia kalojnë koston shtesë qiramarrësve.

Aktualisht norma e referencës është 1.25 për qind dhe aktualisht 54 për qind e kontratave të qirasë në Zvicër bazohen në atë normë, megjithëse ajo luhatet nga një rajon në tjetrin.

Nëse, për shembull, norma e interesit do të rritet me 0,25 pikë përqindjeje dhe marrëveshja juaj e qirasë bazohet në normën e referencës prej 1,25 për qind, qiradhënësi juaj do të jetë në gjendje të paguajë 3 për qind më shumë qira. Dhe një rritje prej 0.5 pikë përqindjeje do t’i lejonte ata të rrisnin qiratë me 6 për qind, shkruan The Local, përcjell albinfo.ch.

Qeveria të lëshojë rezervën e antibiotikëve

Për të luftuar mungesën e medikamenteve thelbësore, që ka pllakosur Zvicrën prej muajsh, Zyra Federale për Furnizimin Ekonomik (FONES) “do të çlirojë plotësisht” rezervat e detyrueshme të antibiotikëve më 1 mars.

FONES grumbullon furnizime të ndryshme thelbësore, përfshirë barnat, për t’u lëshuar në raste urgjente, përcjell tutje albinfo.ch.

Referendumi i parë 2023, më 12 mars

Nuk do të ketë votim kombëtar në të parin nga katër referendumet e mbajtura këtë vit (të tjerët janë planifikuar për 18 qershor, 22 tetor dhe 26 nëntor), por në disa kantone votuesit do të peshojnë për çështje të ndryshme me rëndësi rajonale.

Për shembull, si Gjeneva ashtu edhe Bazeli do të votojnë për çështjet e taksave.

Në Gjenevë, çështja është nëse aksionerët e mëdhenj duhet të paguajnë më shumë taksë mbi fitimet e tyre.

Aleanca e krahut të majtë, e cila nisi këtë referendum, po kërkon votën “po”, ndërsa autoritetet thonë se miratimi i këtij propozimi do ta bënte Gjenevën më pak tërheqëse për bizneset dhe shumë mund të zgjedhin të largohen nga kantoni.

Në Bazel, votuesit do të vendosin për shkurtimet e propozuara të taksave, të cilat do të ofrojnë lehtësim financiar për të gjithë taksapaguesit.

Socialistët dhe të Gjelbërit po kërkojnë votën “jo” sepse ata pretendojnë se paketa e taksave është e pabalancuar dhe fituesit më të mëdhenj, si dhe të pasurit do të përfitonin më shumë se individët dhe familjet me të ardhura të ulëta dhe të mesme.

Fillon pranvera

Dita e parë e stinës së pranverës, e ashtuquajtura ekuinoksi i pranverës, do të ndodhë më 20 mars pikërisht në orën 22:24.

Kjo është kur dielli do të ulet vertikalisht mbi ekuator, duke e bërë ditën dhe natën njësoj të gjatë / të shkurtër.

Kthejini orët prapa

Ora ditore do të fillojë në orën 02:00 të mëngjesit të së dielës më 26 mars, kur orët zvicerane do të ecin një orë përpara.

Lindja dhe perëndimi i diellit do të jetë rreth një orë më vonë dhe do të ketë më shumë dritë në mbrëmje.

Sezoni i skive përfundon në disa resorte zvicerane

Ndërsa shumica e ashensorëve të skive në lartësi të mëdha të Zvicrës mbeten të hapura deri në prill dhe madje maj, disa mbyllen në fund të marsit.

Gjithashtu, pushimet shkollore të skive do të përfundojnë në disa kantone midis 3 dhe 12 mars.

Tatimtari vjen

Deklaratat tatimore zvicerane duhet të bëhen më 31 mars.

Por nëse nuk e keni gati deri në këtë datë, mos u shqetësoni: Nëse deklarata juaj tatimore përgatitet nga një firmë kontabiliteti, ato bëjnë automatikisht çdo vit për zgjatje për të gjithë klientët e tyre.

Për këtë duhet të kishit marrë një letër konfirmimi ose email nga firma. Por nëse e përgatitni vetë deklaratën tuaj tatimore dhe nuk do të jeni në gjendje të përmbushni afatin, duhet t’i kërkoni autoriteteve tatimore në kantonin tuaj të vendbanimit për zgjatje.

Data e re e paraqitjes varet nga vendi ku jetoni:

Appenzell-Ausserrhoden, Bazeli, Gjenevë, Luzern, Schwyz, St. Gallen, Uri, Valais dhe Cyrih: 31 maj.

Aargau, Baselstadt, Fribourg, Nidwalden, Schaffhausen, Ticino, Vaud dhe Zug: 30 qershor

Jura dhe Solothurn: 31 korrik.

Vetëm një kanton, Berna, lejon zgjatje deri më 15 shtator.

Të përfundojnë masat emergjente të energjisë

Në gusht 2022, kur kriza energjetike po afrohej dhe ndërprerjet e energjisë dukeshin një mundësi reale, autoritetet zvicerane njoftuan se do të reduktonin konsumin e gazit me 15 për qind gjatë muajve të dimrit – tetor deri në fund të marsit – krahasuar me konsumin mesatar vjetor.

Mungesat e frikshme nuk janë materializuar dhe qeveria pritet të dalë nga regjimi i krizës deri më 31 mars.

---