City i Muriqit shpallet kampion i Anglisë

Foto: Twitter

Manchester City ka mbrojtur titullin e kampionit në Angli, pasi në xhiron e fundit ka mundur Brightonin në udhëtim 1:4, edhe pse ishte duke humbur.

City e përfundoi kampionatin anglez me vetëm një pikë më shumë se Liverpooli, që mposhti Wolvesin 2:0, por nuk i mjaftoi që të festojë titullin e kampionit pas saktësisht 29 vjetëve, shkruan albinfo.ch.

Për Cityn anëtar është edhe portieri i Kosovës, Arijanet Muriqi, i cili festoi titullin e parë të Premierligës, edhe pse nuk ka pasur shumë hapësira.

Muriqi vitin e kaluar vendosi t’i bashkohet Kosovës, derisa më parë është aktivizuar edhe me Malin e Zi.

Ndërkohë, Xherdan Shaqiri shpallet nënkampion i Anglisë me Liverpoolin.

Por “Të Kuqtë” janë edhe në finale të Ligës së Kampionëve dhe mund të përfundojnë sezonin me një trofe shumë të rëndësishëm.