Cilët janë nxënësit më të mirë në botë

Ndërkohë që të ardhurat e familjeve të tyre ishin më të ulëta se sa mesatarja ndërkombëtare

Janë më të mirët në matematike, lëndët shkencore në përgjithësi, e madje dhe letërsi e në “zbërthimin e teksteve”. Nuk ka asnjë dyshim, thonë mediat italiane se adoleshentët kinezë janë nxënësit më të mirë në botë!

Këtë e tregon një studim i OCSE, “Office of Child Support Enforcement”, i realizuar mbi nxënësit e moshave mesatare 15 vjeç anembanë globit.

Të dhënat përfundimtare të tij tregojnë se adoleshentët që vijnë nga katër rajone kineze: Pekin, Shanghai, Jiangsu e Zhejiang, shënuan rezultatet më të larta në lëndët shkencore, sidomos në matematikë, transmeton TCH.

Ndërkohë që të ardhurat e familjeve të tyre ishin më të ulëta sesa mesatarja ndërkombëtare.

Gati një nxënës në 6 në Pekin, Shanghai, Jiangsu e Zhejiang dhe 1 në 7 në Singapor ka marrë pikët maksimale në matematikë, përcjell albinfo.ch.

“Cilësia e shkollave të tyre sot, do të forcojë ekonominë e tyre nesër”, deklaroi sekretari i përgjithshëm i OCSE-së, Angel Gurria, i cili nuk e fshehu ndërkohë zhgënjimin që rezultatet më të larta nuk u arritën nga vendet, të cilat kanë investuar fort tek arsimi.

Një sinjal ky, thotë shtypi italian, tregon ndoshta se ka ardhur koha që sistemi shkollor të rishikohet.

---