Cilat janë shtetet më të rrezikshme për të jetuar

Në këtë sondazh u pyetën rreth 18,135 emigrantë që janë zhvendosur në 187 shtete të ndryshme, nga Gjermani në Groelandë

A keni menduar shpeshherë të ndërroni shtet dhe të shpërnguleni diku tjetër, por jeni stepur vetëm sepse jeni të shqetësuar për nivelin e sigurisë së atij vendi?

Sipas një sondazhi të kryer nga “InterNations”, “2018 Expat Insider”, këshillohet që nëse doni të jetoni në një vend të sigurt atëherë, Amerika nuk është zgjedhja e duhur për ju.

Në këtë sondazh u pyetën rreth 18,135 emigrantë që janë zhvendosur në 187 shtete të ndryshme, nga Gjermani në Groelandë.

Sipas këtij sondazhi, lista më disa prej qyteteve më të rrezikshme për të jetuar u bazua në faktorë të tillë si siguria personale, qëndrueshmëria politike dhe kosotoja e jetesës, transmeton “ATSH”.

Sipas këtij sondazhi, Shtetet e Bashkuara të Amerikës renditen në vend të 13 të kësaj liste. Të gjithë personat që kanë emigruar në shtete të tjera shprehen se një ndër arsyet kryesore se përse e kanë bërë një gjë të tillë është sepse ata nuk ndiheshin më të sigurt në shtetin e Amerikës, shprehet Malte Zeeck, CEO-ja i InterNations, përcjell albinfo.ch.

Mungesa e sigurisë ndaj fëmijëve është një arsye tjetër shumë e fortë që detyron një numër të madh njerëzish të largohen nga SHBA-ja. Vetëm 17 për qind e të intervistuarve mendojnë se Amerika është e sigurt për fëmijët e tyre.

Vendi më i rrezikshëm në botë për të jetuar, ai që renditet i pari në këtë listë është Brazili, ku ndërthuren të gjithë faktorët që detyrojnë një pjesë të madhe të njerëzve të largohen. Këtu jeta është e pasigurt, paqëndrueshmëria politike e lartë, padrejtësitë sociale janë të shumta dhe niveli i krimit po rritet dita ditës.

Lista

Brazil

Afrika e Jugut

Kenia

Peruja

Turqia

Argjentina

India

Egjipti

R. Dominikane

Kolumbia

Filipinet

Meksika

SHBA

Myanmar, Australi

Indonezi

---