Chollet i kërkon Serbisë të punojë për qetësimin e situatës në veri

Këshilltari i Lartë në Departamentin Amerikan të Shtetit, Derek Chollet, ka biseduar me presidentin e Serbisë, Aleksandar Vuçiq, dhe i ka bërë thirrje që të marrë hapa për të ndihmuar në zbutjen e krizës në veri të Kosovës dhe t’i kthehet rrugës së normalizimit, përcjell albinfo.ch.

“E inkurajova presidentin e Serbisë, Aleksandar Vuçiq, dje për të kërkuar qetësi mes serbëve të Kosovës, për të marrë hapa për të ndihmuar në zbutjen e krizës në veri të Kosovës dhe të kthehet në rrugën e normalizimit dhe angazhimit konstruktiv në dialogun e lehtësuar nga BE-ja”, ka shkruar Chollet në Twitter.