Çfarë thonë mjekët për sëmundjen e Merkel-it

Kancelarja gjermane Angela Merkel thotë se po kujdeset për shëndetin pasi ka përjetuar periudhën e saj të tretë të lëkundjes në publik në më pak se një muaj. Ndonëse nuk ka shumë detaje se çfarë po ndodh realisht me të.

“Ju mund të jeni të sigurt se, së pari, unë jam e vetëdijshme për përgjegjësitë që vijnë në zyrën time dhe se sillem në mënyrë të përshtatshme për sa i përket shëndetit tim”, tha Merkel pas takimit me kryeministrin e ri danez Mette Frederiksen.

“Dhe së dyti ju gjithashtu duhet të dini se si një person, kam një interes të madh për të qenë e shëndetshme dhe unë kujdesem për veten”.

Merkel dhe mjekët e saj mund të mos e dinë ende se çfarë është, tha Dr. Sanjay Gupta, korrespondenti kryesor mjekësor i CNN.

Merkeli mund të ketë vënë re simptoma të kohëve të fundit dhe ende të jetë në një proces vlerësimi që përfshin provimin e ilaçeve të ndryshme, transmeton Scan.

Një mundësi është dridhja ortostatike, një gjendje e rrallë që është kryesisht e pranishme kur dikush është në këmbë, tha Gupta, përcjell albinfo.ch.

Është më e zakonshme në mesin e grave, dhe zakonisht diagnostikohet me njerëz rreth moshës së Merkelit, 64 vjeç.