Bota
Çfarë mendojnë gjermanët për Islamin?
Për shumicën e gjermanëve feja islame nuk përbën pasuri, në këtë përfundim arrihet në studimin "Larmia botëkuptimore dhe demokracia". Por studiuesit e fondacionit Bertelsmann konstatojnë edhe zhvillime pozitive

Rreth gjysma e të anketuarve e konsideron fenë islame si kërcënim, thuhet në studimin e fondacionit Bertelsmann. Por skepticizmi ndaj Islamit nuk nënkupton islamofobi, vërehet në këtë studim. Me 13 për qind është vetëm një pakicë e qytetarëve, që ka qëndrim armiqësor ndaj fesë islame dhe kërkon ndalimin e migrimit të myslimanëve. Kjo shifër vitet e fundit është ulur – më 2017 ishin 20 për qind e të anketuarve që mendonin kështu, raporton DW.
Nisur nga fakti që një në dy të pyetur e konsideron si kërcënim Islamin, anketimi jep shkas për t’u shqetësuar. Në lindje të Gjermanisë, ku jetojnë pak myslimanë, rezervat janë më të mëdha se në pjesën perëndimore të vendit. Sipas sondazhit, 30 për qind në lindje dhe 16 për qind në perëndim nuk duan të kenë fqinjë myslimanë, përcjell albinfo.ch.
Kontakti ndihmon
Analizat tregojnë se personat me qendrime të dukshme islamofobe shpesh refuzojnë jo vetëm myslimanët, por edhe minoritetet e tjera dhe kanë një botëkuptim antipluralist. Megjithatë shumica e gjermanëve janë parimisht të hapur ndaj botëkuptimeve të tjera. Ndërsa ka paragjykime ndaj Islamit, Krishtërimi, Hebraizmi, Hinduizmi dhe Budizmi prej shumicës konsiderohen si pasurim.
Përmes kontakteve personale, sipa studimit, zbehet refuzimi kundrejt Islamit. Njerëzit që kanë rregullisht kontakt me religjonet e tjera, rrallëherë e konsiderojnë si kërcënim larminë fetare dhe fenë islame.
Religjionet janë pro demokracisë
Qoftë Hebraizmi, kristianizmi apo Islami – pjestarët e feve të ndryshme i mbështesin gjerësisht parimet dhe vlerat e demokracisë. Sikurse nxjerr në pah studimi shumica dërmuese në Gjermani (89 për qind) pavarësisht besimit fetar e konsidieron demokracinë si një formë të mirë qeverisjeje. “Pjesëtarët e çfarëdo religjioni mund të jenë demokratë të mirë”, thekson autori i studimit sociologu i religjioneve Gert Pickel. Për demokracinë janë të dëmshme në plan afatgjatë përfytyrimet dogmatike të besimit dhe intoleranca ndaj besimeve të tjera.
Të tilla qëndrime refuzuese dhe izoluese mund ta rrezikojnë kulturën demokratike, tërheq vëmendjen Pickel. Në mbarë Gjermaninë ndërkohë numri i myslimanëve llogaritet të jetë rreth pesë milionë, shumica e tyre (1,5 milionë) jetojnë në landin e Renanisë Veriore-Vestfalisë.
Të ngjashme
Të tjera nga Bota
E-Diaspora
-
Dërgoni fëmijët në shkollat shqipe në Zvicër, regjistrimet fillojnë nga nesër, më 15 gusht Ambasada e Republikës së Shqipërisë në Bernë fton të gjithë prindërit shqiptarë që jetojnë në Zvicër...
-
Konsullata e Kosovës në Dyseldorf hap thirrjen për praktika ndërkombëtare
-
Gjenevë
Donis Sadushaj: Juristi shqiptar në zemër të diplomacisë zvicerane
-
Afro 3 orë pritje në dalje të pikës Merdarë
-
Vjedhje me thyerje në Rüti ZH: Arrestohet një kosovar
Jeta në Austri
-
Studimi: 49.7% e fëmijëve austriakë ndihen nën presion për përsosmëri Sondazh: Pothuajse gjysma e studentëve austriakë ndihen nën presion për të qenë perfektë, me shkollën, prindërit...
-
Austria nga alarmin për rrezik nga zjarret në pyje në disa rajone
-
Regjistrimet e makinave në Austri u rritën me 31.6% në muajin korrik
-
Austri: Nuk do të ketë kompensim për dëmet në tunelin Schmitten
-
Austri: Restorantet limitojnë kohën e qëndrimit të klientëve