Çfarë leje pune në Zvicër mund të merrni nëse jeni shtetas i “vendit të tretë”?

Procesi i marrjes së një leje pune bëhet më i ndërlikuar nëse vini nga jashtë BE/EFTA, transmeton albinfo.ch.

Kjo për shkak se ju nuk jeni në gjendje të aplikoni thjesht për një leje (qoftë L ose B) siç bëjnë homologët tuaj evropianë.

Së pari, ju duhet të gjeni një punëdhënës zviceran që është i gatshëm t’ju punësojë dhe do t’i mbetet atyre që të kërkojnë një leje pune për ju.

Arsyeja është se lejet për këtë grup të huajsh (dhe që përfshin shembull shtetasit e Kosovës apo edhe të Mbretërisë së Bashkuar) u nënshtrohen kuotave dhe rregullave strikte.

Sipas SEM, “pranimi i shtetasve të shtetit të tretë në tregun zviceran të punës lejohet vetëm nëse është në interes të Zvicrës dhe ekonomisë zvicerane në tërësi”.

Kjo do të thotë që lejet/vizat do t’u jepen vetëm specialistëve shumë të aftë të cilët nuk mund të rekrutohen nga fuqia punëtore zvicerane apo e BE/EFTA.

Nëse jeni në gjendje t’i kapërceni këto pengesa, do t’ju jepet një leje L ose B, në varësi të kohëzgjatjes së kontratës suaj të punës në Zvicër.

 

Po leja C?

Na vjen keq, por ju nuk do të jeni në gjendje ta merrni këtë leje – e cila u jep mbajtësve të saj të drejta gjithëpërfshirëse për të punuar dhe jetuar në Zvicër, dhe është një gur themeli për shtetësinë zvicerane – menjëherë pas mbërritjes tuaj.

Ju duhet të ‘punoni’ në rrugën tuaj drejt kësaj leje.

Nëse jeni shtetas i BE-së ose EFTA-s dhe jetoni në Zvicër me një leje B vazhdimisht për pesë vjet, mund të aplikoni për lejen C, me kusht që të plotësoni të gjitha kërkesat, si njohja e gjuhës dhe kriteret e integrimit.

Në rast se vini nga shtete jo anëtare të BE-së / EFTA (përfshirë Mbretërinë e Bashkuar), atëherë pritja juaj për të ‘përmirësuar’ nga një leje B në një leje C është dy herë më e gjatë – 10 vite të vazhdueshme, gjithashtu me kusht që të përmbushni të gjitha kriteret e lartpërmendura.

Megjithatë, ka disa përjashtime nga këto rregulla.

Për shembull, amerikanët dhe kanadezët janë në të njëjtin nivel me homologët e tyre të BE/EFTA: ata gjithashtu mund të aplikojnë për një leje C pas pesë vitesh qëndrimi të vazhdueshëm me një leje B.

Ka edhe përjashtime të tjera: nëse jeni një bashkëshort jashtë BE/EFTA ose fëmijë i mitur i një shtetasi zviceran me një mbajtës të lejes C, ju gjithashtu mund të aplikoni për një leje C pas pesë vjetësh. /Albinfo.ch

 

---