Çështja e targave: Mbi 1.300 vetura janë konvertuar në RKS

Numri i qytetarëve në veri që i kanë konvertuar targat ilegale në ato RKS ka shkuar në 1.350.

Lajmin e ka konfirmuar për Kohën Policia e Kosovës, përcjell albinfo.ch.

Konvertimi ka nisur tash e disa ditë, ndërkaq më 30 tetor Qeveria e Kosovës ka marrë vendim që pronarëve të automjeteve me denominimet “PR”, “KM”, “PZ”, “GL”, “UR”, “PE”, “DA” apo “ĐA”, t’ua shtyjë afatin për riregjistrim në targa RKS, me benefite financiare, deri më 1 dhjetor.

Ndryshe, me vendimin e 28 tetorit të vitit të kaluar afati ishte deri më 21 prill të këtij viti, ndërsa Qeveria ka thënë se është zgjatur afati pas kërkesave të mëdha së fundi për regjistrim të automjeteve me targa RKS.