Burgim për kosovarin që deshi ta ngufatë gruan

5 vjet burgim për shtetasin kosovar, i cili kishte tentuar ta ngufatë gruan e tij në pikë të ditës në Gjenevë

Në korrik të vitit të kaluar, një kosovar kishte tentuar ta mbysë gruan e tij, duke e shtrënguar në fyt gjatë ditës në një stacion autobusësh në Gjenevë. Atij i është shqiptuar dënimi me burgim prej 5 vjetësh e 10 muaj për tentim vrasje, njofton e përditshmja «20 Minutes».

«I akuzuari e ka mohuar dëshminë si dhe gjithë dhunën që e ka ushtruar në çift, dhe atë përveç dënimeve të kaluara. Ai është i paskrupullt dhe fajësia e tij është e rëndë», janë këto fjalë të Gjykatës ndaj tij.

Gjatë procesit gruaja e të akuzuarit i ka minimizuar dhe i ka mohuar procesverbalet e policisë si dhe të raporteve mjekësore. Veç kësaj, ajo e ka tërhequr për të satën herë padinë kundrejt burrit të saj të dhunshëm.

Edhe pse prokurori ia ka bërë me dije viktimës se dëshmia e rrejshme dënohet penalisht, ai nuk do ta ndjekë atë për arsye se i ka parasysh arsyet objektive se për çfarë ka tentuar ta mbulojë të pandehurin.

E përditshmja në fjalë shpreh habinë se si i vëllai i viktimës nuk është treguar i prekur ndaj fatit të motrës. Gazeta në fjalë madje nënvizon faktin se gjatë leximit të dënimit rreth 30 familjarë të të akuzuarit ishin për ta mbështetur atë.