Bujar Nishani, president i ri i Shqipërisë

Me 73 vota të maxhorancës, në një proces të bojkotuar nga socialistët, Bujar Nishani është zgjedhur President i ri i Shqipërisë.Në votim kanë votuar 76 deputetë, dy prej të cilave të pavlefshme, ndërsa një ka qenë kundër.

Partia Socialiste e Shqipërisë duke mos u pajtuar me kandidatin e propozuar nga Partia Demokratike dhe aleatët, e ka bojkotuar votimin. Bujar Nishani është Presidenti i gjashtë i Shqipërisë.

I lindur më 29 shtator 1966, në Durrës, Bujar Nishani ka përfunduar studimet e larta ne Akademinë Ushtarake “Skënderbej”. Studimet pasuniversitare i ka mbaruar në SHBA në vitin 1996. Nga viti 2000 deri  2004 ka studimet ndjekur studimet në Fakultetin e Drejtësisë. Ai mban edhe titullin master për studime evropiane.

Në vitin 1988 ka filluar punën si pedagog i Akademisë Ushtarake Skënderbej, ne vitin 1993, si specialist i marrëdhënieve me jashtë ne Ministrinë e Mbrojtjes, në 1994 si specialist i marrëdhënieve me NATO-n ne Ministrine e Jashtme. Ndërsa një vit më vonë, drejtues në kabinetin e ministrit të Mbrojtjes.

Pas vitit 1997, ai ka qene i lire ne profesionin e tij, deri ne mars te vitit 2007, kur emërohet ministër i Brendshëm, Dy vjet me pas si ministër i Drejtësisë, dhe rikthehet ne këtë post, në vitin 2011.

Qe nga viti 1991 e deri me sot është anëtar i Partisë Demokratike, duke qenë anëtar i kryesisë së PD-se, si edhe anëtar i Këshillit Kombëtar të saj. Nishani është i martuar me Odetën,dhe ka dy fëmijë, një djalë dhe nje vajze.