Buja: Testi i maturës më i mirë se në rajon

Për kritikat nga partitë politike opozitare rreth testit të maturës Buja ka thënë se ai është më i miri në rajon

Ministria e Arsimit, duke folur për Universitetin e Prizrenit, i cili nuk i plotëson as kushtet elementare për studime, ka thënë se këtë universitet e ka gjetur me probleme, ku disa prej këtyre problemeve janë larguar dhe pritet që të ofrohen kushte edhe më të mira.

Ndërkaq për kritikat që kanë ardhur nga partitë politike opozitare në adresë së kësaj ministrie për testin e maturës, i pari i ministrisë ka deklaruar se është detyrë　 e tyre të kritikojnë, por testi i maturës është real dhe kjo bën të jetë i dëshiruar nëse krahasohemi me vendet e rajonit.

Ministria e Arsimit ka shpalosur punën 100-ditëshe të saj, ku ka thënë se ka bërë punë të suksesshme, duke u bazuar në zbatimin e Planit Strategjik të Arsimit të Kosovës 2011 – 2016. Me këtë rast, ministri i Arsimit, Ramë Buja, ka thënë se gjatë kësaj periudhe kohore ka përfunduar edhe drafti i katërt i Kornizës së Kurrikulit të Kosovës. Buja ka folur edhe për Ligjin e arsimit të lartë, ku, sipas tij, ky ligj ka shkuar në Qeveri dhe pritet të procedohet në Kuvend.