BSPK-ja kundërshton rritjen e pagave vetëm 4%

"Rritja e pagave prej 4 për qind, pos që është vendim i njëanshëm i Qeverisë, po ashtu është e barabartë me 0.5 për qind të rritjes së pagës së Kryeministrit", thuhet në reagim

Bashkimi i Sindikatave të Pavarura të Kosovës, ashtu siç kishte paralajmëruar, ka dalë kundër vendimit të qeverisë Haradinaj për rritjen e pagave prej 4 për qind.

Përmes një komunikate, BSPK-ja shpreh indinjatë të thellë për jogatishmërinë e Qeverisë për ta gjetur një zgjidhje për rritjen e pagave, qoftë edhe në kuadër të buxhetit të parashikuar.

“Rritja e pagave prej 4 për qind, pos që është vendim i njëanshëm i Qeverisë, po ashtu është e barabartë me 0.5 për qind të rritjes së pagës së Kryeministrit”, thuhet në reagim.

BSPK-ja kërcënon qeverinë se për eskalimin eventual të situatës ata nuk do të marrin përgjegjësi.