Brukseli kërkon zbatimin e marrëveshjeve

Maja Kocijancic: Serbia qëllimisht po i keqinterpreton marrëveshjet e arritura

Zyrtarë të Bashkimit Evropian kanë kërkuar nga Beogradi zyrtar që mos t’i keqinterpretojë marrëveshjet e arritura me përfaqësuesit e Kosovës në Bruksel. Ata kanë thënë që marrëveshjet janë shumë të qarta dhe vlejnë për të dyja vendet pa asnjë përjashtim.

Maja Kocijancic, zëdhënëse e Cathenine Ashton- shefe për politikë të jashtme e BE-së, ka thënë se Serbia qëllimisht po i keqinterpreton marrëveshjet e arritura. Ajo për gazetën “Zëri” ka thënë se marrëveshjet janë shumë e qartë dhe të dyja palët duhet t’i përmbahen ashtu siç janë.

“Të gjitha marrëveshjet përfshijnë gjithë territorin e Kosovës, nuk ka ndarje gjeografike”, tha Maja Kocijancic duke iu referuar këtë deklaruarës së përfaqësuesit serbe në negociata, Borisllav Stefanoviq, i cili ka thënë se disa marrëveshje nuk lejnë për veriun e Kosovës.

Ndërsa sa i përket fusnotës, Kocijancic thotë se marrëveshja e lejon që përmbajtja e fusnotës të vendoset aty ku duan vetë organizatorët e takimeve rajonale.

“Prej fillimit kemi qenë shumë të qartë. Fusnota ekziston, por përmbajta e saj, kemi thënë që mund të paraqitet aty ku e vlerësojnë vetë organizatorët e takimeve rajonale”, ka thënë Kocijancic.

Për të parë nëse marrëveshjet po gjejnë zbatim ose jo, Kocijaciq ka thënë se ndërmjetësi i bisedimeve Robert Cooper dot vizitojë së shpejti Prishtinën dhe Beogradin.

Edhe presidenti i ri serb para se të fitojë garën presidenciale ka thënë se nëse vjen president nuk do t’i njoh marrëveshjet  e Brukslit. Mirëpo  tri ditë më parë  ai ta se u shpreh i gatshëm për vazhdimin e negociatave me Prishtinën.

Kosova dhe Serbia gjatë një vit negociatash kanë arritur t’i harmonizojnë në letër shtatë marrëveshje, ndërsa përveç marrëveshjes për lëvizjen e lirë e cila është implementuar pjesërisht dhe ajo për vulat doganore, asnjë tjetër nuk është zbatuar.