Britania në kaos, për shkak të përmbytjeve

Çahet autostrada

Shirat e rrëmbyer kanë shkaktuar përmbytje dhe kaos në Britani, duke paralizuar vendin. Agjencia e Mjedisit ka ngritur 250 paralajmërime për përmbytje dhe rrezik në shumë zona.

Ndërkohë, pamjet tregojnë autostrada, metro dhe rrugë të përmbytura. Në 36 orët e fundit, intensiteti i reshjeve është shtuar ndjeshëm, duke krijuar kaos në qarkullimin e mjeteve, përcjell albinfo.ch.

Ndërsa, një rrëshqitje tokë afër Guildford shkaktoi çarje të madhe në autostradën M23, e cila u mbyll në të dy drejtimet, afër Crawley dhe në West Sussex.

---