Britania e Madhe drejt recesionit

KEYSTONE

Paundi ka rënë në nivelin më të ulët kundrejt dollarit amerikan që nga viti 1985.

Të mërkurën sterlina ra me 0.64% në 1.145 dollarë – një nivel që  nuk ishte regjistruar prej 37 vitesh.

Banka e Anglisë tha se perspektiva  e dobët për ekonominë e Mbretërisë së Bashkuar, si dhe një dollar më i fortë po ushtronin presion mbi sterlinën.

Guvernatori Andreë Bailey paralajmëroi gjithashtu se këtë vit  mund të bëhet shumë pak  për të ndaluar rënien e Mbretërisë së Bashkuar në një recesion ndërsa lufta në Ukrainë vazhdon.

Ai shtoi se kjo situatë  shkaktohet “në masë të madhe nga veprimet e Rusisë dhe ndikimi në çmimet e energjisë”.

Banka pret që ekonomia të tkurret në tre muajt e fundit të 2022 dhe të vazhdojë tkurrjen deri në fund të 2023.

Paralajmërimi vjen teksa në krye të qeverisë është kryeministrja e re Lizz Truss e cila do të bëjë me dije  një plan për të kufizuar një rritje të faturave të energjisë.

Një faturë normale  e energjisë mund të kufizohet në rreth 2,500 paund.

Aktualisht, fatura e gazit dhe elektricitetit të një familjeje normale  do të rritet nga 1,971 £ në 3,549 £ në tetor./BBC