Brexit ende po i “dridh” gjermanët

Disponimi në mesin e investitorëve gjermanë pjesërisht është përmirësuar pas goditjes nga Brexit, por ende ka shqetësime, tregon  një studim nga Qendra për Kërkime Ekonomike Evropiane, përcjell albinfo.ch.

Sipas studimit indeksi për besueshmërinë ekonomike u rrit me 7.3 pikë në gusht në krahasim me muajin korrik, dhe është në territorin pozitiv me 0.5 për qind, por mbetet shumë më poshtë mesatares afatgjatë prej 24.2 pikëve .

Presidenti i Qendrës, Achim Wambach, tha se indeksi  tregon për rimëkëmbje “të pjesshme” pas goditjes nga Brexit, por se rreziqet politike në BE dhe diku tjetër, së bashku me shqetësimet për sektorin bankar në BE “vazhdojnë të ndalin perspektivën optimiste ekonomike në Gjermani.”

Vlerësimi nga investitorët e situatës aktuale ekonomike është përmirësuar me 7.8 pikë për Gjermaninë dhe 2.1 pikë për eurozonën, ndërsa ka ra për 19.9 pikë në Britani..