Bosnjë e Hercegovina hap kufijtë për vendet e BE-së

(KEYSTONE/Patrick Straub)

Bosnjë e Hercegovina do të hapë kufijtë e saj për qytetarët e Bashkimit Evropian dhe të zonës Shengen.

Gjatë hyrjes në territorin e Bosnjës, udhëtarët nga këto vende duhet të posedojnë një test negativ për koronavirus, tha kryetari i Këshillit të Ministrave të Bosnjë e Hercegovinës, Zoran Tegeltija.

“Testi nuk duhet të jetë më i vjetër se 48 orë”, tha Tegeltija.

Bosnja i ka mbyllur kufijtë për qytetarët e BE-së para katër muajsh.

Që nga 1 qershori Bosnja ka hapur kufijtë e saj për qytetarët e Serbisë, Malit të Zi dhe Kroacisë, pa kufizime shtesë, dhe në përputhje me masat epidemiologjike të nxjerra nga institutet epidemiologjike, përcjell albinfo.ch.

Të martën në Bosnjë e Hercegovinë janë konfirmuar 189 raste të reja me koronavirus, që e shkakton sëmundjen COVID-19.