Borrell: BE nuk do të mbyllë misionet diplomatike në Kiev

Bashkimi Evropian nuk do të tërheqë praninë e tij diplomatike nga Ukraina, tha të shtunën shefi i politikës së jashtme, Josep Borrell.

Deklarata erdhi pasi Shtetet e Bashkuara paralajmëruan se forcat ruse mund të pushtojnë në çdo kohë Ukrainën.

“BE dhe shtetet e saj anëtare po koordinojnë veprimet e tyre në funksion të kërcënimeve aktuale ndaj Ukrainës. Misionet tona diplomatike nuk po mbyllen. Ata mbeten në Kiev dhe vazhdojnë të operojnë në mbështetje të qytetarëve të BE-së dhe në bashkëpunim me autoritetet ukrainase”, u shpreh Borrell.

“Kujtojmë se çdo agresion i mëtejshëm ushtarak kundër Ukrainës do të ketë pasoja masive dhe kosto të rënda si përgjigje”, shtoi ai./Euronews.al