Bora zbardh Shqipërinë

I ftohti evropian ka prekur edhe Shqipërinë, madje dëbora ka mbuluar edhe qytetet bregdetare, por edhe kryeqytetin, Tiranën, ku bie borë një herë në 30 vjet.

Edhe në Lushnje këtë mëngjes nisën reshjet e dëborës. Dëborë ra në mëngjes sërish edhe në Durrës dhe Elbasan, përcjell albinfo.ch.

Ndërsa më në verilindje, situata mbetet e vështirë në zonat e Dibrës, ku shkollat janë ndërprerë deri në një urdhër të dytë.

Reshjet vazhdojnë me intensitet të lartë edhe në Bulqizë. Trashësia e dëborës në qytet është 50 cm, ndërsa në njësitë administrative vijon nga 70 cm deri në 1 metër.

Reshjet e dëborës, të rëna gjatë 24 orëve të fundit në rrethin e Skraparit, kanë krijuar problematika në këtë qark. Ato kanë sjellë probleme në akset që të çojnë në fshatrat malore drejt Tomorit si dhe kanë bërë që të mbyllet procesi mësimor në 10 shkolla malore.