Bombardime në Sudan: 21 të vrarë dhe 70 të plagosur

Keystone EPA/MOHAMMED SABER

Sindikata e mjekëve ka raportuar se të paktën 21 persona janë vrarë dhe mbi 70 të tjerë janë plagosur nga bombardimet në një treg të ngarkuar në Sudanin juglindor.

Rrjeti i Mjekëve të Sudanit tha se Forcat paraushtarake të Mbështetjes së Shpejtë (RSF) ishin përgjegjëse për sulmin në qytetin Sennar të dielën, duke e dënuar atë si një “masakër” të civilëve, transmeton albinfo.ch.

Kjo ndodhi një ditë pasi ushtria e Sudanit hodhi poshtë një propozim të ekspertëve të OKB-së për të dërguar një forcë ndërkombëtare për të mbrojtur civilët, raporton BBC.

Mijëra njerëz janë vrarë dhe më shumë se 10 milionë janë larguar nga shtëpitë e tyre që kur shpërtheu lufta civile midis ushtrisë dhe RSF-së prillin e kaluar, duke e bërë atë një nga krizat më të rënda humanitare në botë.