Bllokohet rruga Restelicë – Dragash nga rrëshqitjet e dheut dhe të gurëve

Pas intervenimit nga kompania e mirëmbajtjes, e kontraktuar nga Ministria e Infrastrukturës, është hapur njëra korsi

Në orët e hershme të mëngjesit të sotshëm ka pasur rrëshqitje gurësh dhe të dheut në aksin rrugor Restelicë – Dragash, çka ka bërë që ky aks rrugor të bllokohet për qarkullim për një kohë.

Por, pas intervenimit nga kompania e mirëmbajtjes, e kontraktuar nga Ministria e Infrastrukturës, është hapur njëra korsi, njofton kjo ministri.

Ministria e Infrastrukturës u bën thirrje qytetarëve që kalojnë nëpërmjet këtij aksi rrugor që të lëvizin me kujdes të shtuar.