Blatter jep dorëheqje

KEYSTONE

Mediet zvicerane duke iu referuar atyre të huaja, shkruajnë se arsyeja e vërtetë e dorëheqjes së Blatterit lidhet me faktin se ai ka qenë nën hetime nga agjencia amerikane FBI. Gazeta New York Times ka konfirmuar se këto hetime janë duke ndodhur kundër numrit 2 të FIFA-s, Jeromy Walcke, për një veprim të dyshimtë me rreth 10 milionë dollarë. Ndërsa dyshohet se i hetuar për përfshirje në korrupsion është edhe vetë Blatter.

——–
Në një konferencë për medie të paralajmëruar shumë shkurt, në Cyrih, kryetari i posazgjedhur i FIFA-s, zvicerani Sepp Blatter ka deklaruar se jep doreheqje nga posti i tij.

Kjo dorëheqje ka ardhur shumë e papritur, megjithëse zgjehdjes së tij i kishin paraprirë një numër skandalesh ku ishin implikuar një numër funksionarësh të organizatës botërore të futbollit.

“Edhe pse dlegatët e FIFA-s më kanë dhënë mandatin, duket se nuk e kam mbështetjen nga e gjithë bota e futbollit”, ka thënë veç tjerash Blatter.

“Është koha që FIFA të shikojë përpara”, ka thënë Blatter. Dhe kjo do të ndodhë kur te zgjidhet një pasardhës i tij në kongresin e jashtëzakonshëm që ai do ta thërrasë, ka sqaruar Blatter, i cili është në këtë post qe nga viti 1998.