Bie ndjeshëm prodhimi i makinave në Evropë

Problemet në zinxhirin e furnizimit vijojnë të kufizojnë prodhimin e makinave.

Regjistrimet e automjeteve vazhduan trendin rënës në qershor në Bashkimin Europian, pasi problemet në zinxhirin e furnizimit vijojnë të kufizojnë prodhimin e makinave.

Sipas Shoqatës Europiane të Prodhuesve të Automobilave (ACEA), regjistrimet ranë me 15.4% në 886,510 njësi, duke shënuar qershorin më negativ në lidhje me vëllimin që nga viti 1996.

Të katër tregjet kryesore të BE-së ndikuan në rënie, me Gjermaninë që regjistroi tkurrjen më të fortë (-18.1%), e ndjekur nga Italia (-15.0%) dhe Franca (-14.2%).

Nga ana tjetër, Spanja regjistroi rënie më modeste, 7.8%.

Gjatë gjysmës së parë, ACEA deklaroi se regjistrimet e makinave të reja në BE u tkurrën 14% nga viti në vit, duke arritur në rreth 4.6 milionë njësi.

Të gjitha tregjet kryesore të rajonit regjistruan rënie dyshifrore në gjashtëmujorin e parë, në Itali -22.7%, Francë, -16.3%, Gjermani, -11.0%, dhe Spanjë, -10.7%.

“Me të ardhurat e disponueshme nën presionin e rritjes së kostove të energjisë dhe ushqimit, si dhe perspektivës për kosto më të larta huamarrjeje, është e vështirë të shihet një rimëkëmbje në afat të shkurtër në industri”, tha analisti i SP Angel John Meye/ Share Cast

 

---