Shkurt.ch

Bie miti mbi të rinjtë nga Ballkani, shoferë të papërgjegjshëm?

Sipas prokurorisë së Lucernit, “raseri tipik” është zviceran 31 vjeçar, i lindur nga prindër zviceranë. Nga 15 ngasës të tillë, 10 janë viceranë dhe vetëm një kosovar

E mërkurë, 12 Mars 2014 - 14:59 albinfo.ch
Prej kohësh në opinionin publik në Zvicër  është ngulitur dhe konsiderohet si “e vërtetë e pakontestueshme” se “raserët”  tipikë (ngasës të papërgjegjshëm e të shpejtë të veturave) janë me prejardhje të huaj, kryesisht  ballkanike dhe shqiptare. Por, një klishe i tillë, së paku për kantonin e Lucernit del krejtësisht i pabazë.
Në një raport që ka përpiluar prokuroria e Kantonit të Lucernit vihet në dukje se nga 15 procedurat e ndjekjes të iniciuara kundër “raserëve” në këtë kanton, 10 kanë qenë kundër zviceranëve pa prejardhje të huaj. 2 raserë janë me prejardhje portugeze, ndërsa italianët, serbët dhe kosovarët në këtë listë të palavdishme  janë të “përfaqësuar” me vetëm nga 1 delinkuentë të kësaj kategorie.
Kështu, sipas prokurorisë së Lucernit, “raseri tipik” është zviceran me moshe mesatare 31 vjeçare, i lindur nga  prindër zviceranë.
Këtë të dhënë e ka konfirmuar sot në një konferencë për medie kryeprokurori i Luernit, Daniel Burri, duke thyer kështu klishenë e përhapur  mbi  “ngasësin e ri, të papërgjegjshëm nga Ballkani”.
Në 9 nga 15 rastet, ngasësve u është marrë menjëherë  leja e qarkullimit për kohë të pacaktuar  ose më së paku për dy vjet. Ata i pret edhe dënimi penal prej maksimalisht 4 vjet burg. Veç kësaj, në rastet e shkeljeve të rënda të rregullave në trafik, atyre mund edhe t`u konfiskohen automjetet.
Për të marrë sërish lejen e ngasjes, personat e përmendur duhet t`i nënshtrohen një ekspertize psikologjike, për të dëshmuar aftësinë për të ngarë automobilin.
(albinfo.ch&sda)

 Të tjera nga Shkurt.ch

SBB hoqi vagonët e duhanpirjes 20 vjet më parë: ndikimi dhe sfidat që vazhdojnë

 E-Diaspora

 Jeta në Austri