Beyonce merr 1.5 milionë funte për të kënduar në dasmën e Balet

Ylli i Real Madridit, Gareth Bale, raportohet se dëshiron që këngëtarja amerikane Beyonce të performojë në ceremoninë e dasmës së tij vitin e ardhshëm.

Bale pritet që të martohet me të dashurën e tij Emma Rhys-Jones në pranverën e vitit 2018, ndërsa “The Sun” shkruan se çifti e dëshiron yllin botëror si argëtuese për mysafirët.

Ceremonia pritet të mbahet në Itali, ndërsa mësohet se krijuesja e hiteve “Halo” dhe “Crazy in Love” të fitojë rreth 1.5 milionë funte, shifër kjo të cilën Bale është shprehur i gatshëm që ta paguajë, transmeton Albinfo.ch.

Tashmë palët kanë nisur negociatat.

Çifti ka dy vajza dhe jeton në Madrid. Përpos ceremonisë në Itali, ata po planifikojnë një ndejë edhe në Uells.

Bale fiton 300 mijë funte në javë në kontratën e tij te Real Madridi.