Betlehemi anulon kremtën e Krishtlindjes teksa e gjithë bota feston

Ministrja e Turizmit në Palestinë, Rula Ma’ayah, thotë se e gjithë bota këtë vit po e feston Krishtlindjen, me përjashtim të Betlehemit, vendlindja e Krishtit. Kisha e Lindjes, një nga më të vjetrat, e periudhës bizantine të Betlehemit, është bosh këtë vit, ndonëse jemi në Krishtlindje.

Askund në qytet nuk ndihet atmosfera festive, as drita e as pema nuk është vendosur si tradicionalisht, në sheshin Manger.

Gjithsesi, me qirinj në duar, vendasit, mbajtën këtë të diel një meshë, me mesazhin kryesor, paqen. Prej së paku 2 mijë vjetësh, pelegrinët udhëtonin drejt Betlehemit vazhdimisht, për ta festuar atje këtë datë të rëndësishme.

Por, që kur nisi lufta, që ka lënë mbi 20 mijë të vdekur, në Betlehem ka rënë qetësia. 50 km larg Betlehemit dëgjohen bombardimet e luftës, që ndonjëherë qetësinë qytetit ia prishin.