Futboll

Betim Fazliji vazhdon kontratën me skuadrën zvicerane

E enjte, 28 Maj 2020 - 19:20 albinfo.ch
Foto: Faqja zyrtare e St. Gallen

Mesfushori shqiptar, Betim Fazliji, ka vazhduar kontratën me skuadrën zvicerane, St. Gallen.

Lajmi u bë i ditur nga klubi zviceran në faqen zyrtare. Futbollisti shqiptar ka nënshkruar deri në vitin 2023, me opsion për të vazhduar kontratën edhe për një vit.

Një fakt interesant është se St. Galleni nuk e ka humbur asnjë prej 14 ndeshjeve kampionale në të cilat ka luajtur Fazliji, ai ka shënuar edhe dy gola, përcjell albinfo.ch.

Presidenti i St. Gallenit, Matthias Hueppi, ishte i lumtur. “Kemi qenë në gjendjen të mbajmë Betimin, një lojtar tjetër i rëndësishëm nga akademia jonë. Është e rëndësishme të garantojmë të ardhmen, sidomos në këtë periudhë të vështirë”, ka thënë.

Edhe drejtori sportiv, Alain Sutter, kishte vetëm fjalë të mira. “Betimi në mënyrë impresive ka shfaqur potencialin e tij këtë edicion dhe plotësisht ka arsyetuar besimin që kemi pasur në të. Ai është ende në fillim të zhvillimit dhe performancat e tij kanë ngjallur interesimin e klubeve të tjera. Me mbajtjen e tij kemi dëshmuar se jemi në rrugën e duhur’.

 Të ngjashme

Betim Fazliji: Do ta mundim Zvicrën me rezultat 2:1

 Të tjera nga Futboll

Baseli shkarkon trajnerin

 E-Diaspora

 Jeta në Austri