Benzinë vs naftë: Cilat makina shpenzojnë më pak?

Përgjatë 20 vjetëve të fundit “ADAC” ka kryer 2500 teste, në të cilat ka kontrolluar konsumin e pothuajse të gjitha modeleve në treg.

Me ekotestin e tyre, ata kërkuan një përgjigje në pyetjen se sa e ndot realisht mjedisin një makinë e caktuar dhe sa emetim “CO2” është në praktikë.

Përveç matjes “WLTP”, ky ekotest përfshin edhe lëvizjen në autostradë, ku monitorohet se si funksionon sistemi i rregullimit të gazrave të shkarkimit. Gjithashtu, analizat kryhen në kushte laboratorike.

Pas dy dekadash, ADAC vendosi të përmbledhë testet e saj dhe të zgjedhë modelet më të mira dhe më të këqija në kategori të caktuara.

Modele me motor benzine

Këtu dominon absolutisht makina japoneze, përkatësisht Toyota, e cila ka një makinë hibride, konsumi i së cilës varionte nga 4.1 l/100 km në Prius 2016 deri në 4.8 l/100 km të konsumuar nga gjenerata e mëparshme “Yaris“, edhe në edicionin hibrid. Atyre u bashkohet edhe “Suzuki Celerio” i vogël me 4,8 l/100 km.

Në anën tjetër të spektrit, shembulli më i keq sipas ADAC është Chevrolet Camaro. I pajisur me një motor 6.2 V8, modeli konsumonte 12.4 l/100 km. Më pas është BMW M5 (11.1 l/100 km), Porsche Macan S, Ford Mustang 5.0 Ti-VCT dhe, disi çuditërisht, Kia Stinger 3.3 T-GDI V6 GT AWD.

Dizelët janë edhe më ekonomikë

Edhe pse këtu nuk dominojnë markat japoneze, statusin e më ekonomikes e ka modeli japonez, “Mazda 2” me një mesatare prej 4.1 l/100 km. Në pesëshen e parë janë edhe tre “fëmijë” (“Hyundai i20” 1.1 CRDi, “Peugeot 208” BlueHDi 100, “Mazda 3” SKYACTIV-D 105) dhe në fund “Ford Fiesta” 1.5 TDCi.

Ndër naftët që konsumojnë më shumë, Land Rover Defender 90 është në krye me një mesatare prej 9.8 l/100 km. Të gjithë të tjerët shpenzuan dukshëm më pak – “SsangYong Rexton”, “VW Amarok DoubleCab”, “Hyundai Staria”, “Audi SQ7”.

Cilat janë makinat elektrike më të mira (EV)

Dhe këtu makinat më të vogla shpenzojnë më pak. “Tesla” nuk është as afër, dhe sipas rezultateve dominon “Hyundai”. Rezultati më i mirë është 14.7 kWh/100 km, që është Ioniq 2017. Të gjitha modelet më të reja të Hyundai Ioniq konsumojnë më shumë dhe i vetmi që i konkurron është VW e-up i vogël me 16.7 kWh/100 km.

Nga ana tjetër, në klubin e “më shpërdoruesve” janë furgonat e mëdhenj. Mercedes-Benz EQV 300 është lider me një mesatare prej 30,9 kWh/100 km, i ndjekur nga Citroen e-Spacetourer XL, Nissan e-hv200 Evalia, Mercedes-Benz EQC 400, Jaguar I -Pace EV400”.

Gama maksimale e modeleve elektrike ka ndryshuar në mënyrë dramatike gjatë viteve. Kështu, në vitin 2011, “Peugeot iOn” i vogël i kaloi 95 km, në vitin 2015 diapazoni mesatar i makinave të testuara ishte 149 km, dhe në vitin 2020 ishte 285 km. Këtë vit, diapazoni mesatar i modeleve të testuara u rrit në 425 km.

---