Belgjika do të rihapë bizneset më 8 qershor, kufijtë më 15 qershor

Keystone Foto: Felix Kästle/dpa +++ dpa-Bildfunk +++

Belgjika do të lejojë që të gjitha bizneset të rihapen më 8 qershor, përfshirë kafenetë dhe baret, pas mbylljes së saj për të luftuar koronavirusin, tha kryeministrja Sophie Wilmes të mërkurën, megjithëse masat distancuese sociale do të mbesin.

Ajo tha se Belgjika, në mesin e vendeve evropiane të goditura më rëndë nga pandemia COVID-19, por tani duke parë një rënie të konsiderueshme në nivelin e infeksionit do të rihapë kufijtë e saj për të gjitha shtetet e Bashkimit Evropian më 15 qershor, shkruan reuters, përcjell albinfo.ch.

“Nga 8 qershori gjithçka do të lejohet, me përjashtime”, tha Wilmes një konferencë shtypi.

“Virusi është ende midis nesh, ai është akoma duke marrë viktima dhe ka të ngjarë të marrë më shumë, nëse nuk jemi vigjilentë,” shtoi ajo, duke thënë se tubimet e mëdha do të mbeten të ndaluara deri më 31 gusht.

Klubet e natës gjithashtu nuk mund të hapen para fundit të gusht. Wilmes tha se aktivitetet kulturore do të vazhdojnë pa spektatorë deri në 1 korrik, kurse kinematë dhe hapësirat e tjera kulturore mund të hapen me një maksimum prej 200 personash, përcjell tutje albinfo.ch.